Komisioni i Ankimeve dhe Sanksioneve (KAS) hapi sot kutinë e votimit me numër 4494/00 në KZAZ 85, Vlorë, pas një kërkese ankimore të paraqitur nga koalicioni “Nisma Shqipëria Bëhet”, i udhëhequr nga Adriatik Lapaj.
Gjatë procesit të hapjes u verifikuan vulat e fletëve të votimit, të cilat rezultuan të jenë të gjitha në rregull dhe me vulat përkatëse.
Një ditë më parë, Lapaj në një intervistë për Report, deklaroi se qëllimi i tyre është që të rishikohet çdo votë që mund t’ju kenë ‘vjedhur’ edhe pse mund të mos ndikojë në rezultat.
