Kryeministri Edi Rama ka shkarkuar më shumë se gjysmën e qeverisë, duke e përmbysur pothuajse tërësisht atë. Vetëm katër ministra i kanë shpëtuar furtunës së Ramës.
I pari është ministri i Brendshëm, Sandër Lleshaj. Ai ka vetëm pak kohë që është emëruar, pas një beteje të ashpër të Ramës me Metën.
I dyti është ministri për Diasporën, Pandeli Majko.
Dy të tjerët janë Blendi Klosi dhe Ogerta Manastirliu. Këta të fundit “shpëtuan si nëpërmjet zjarrit”. Rama iu la afat deri në qershor, të përmbushin ato që iu ka kërkuar.
Ndryshe do të kenë fatin e kolegëve të shkarkuar këtë të premte!
“Blendi Klosi (ministër i Mjedisit) e di shumë mirë se çfarë duhet të bëjë deri në qershor. Po ashtu edhe Ogerta Manastirliu (ministre e Shëndetësisë) e ka të qartë”, tha kreu i qeverisë.
