Ish-ministrja e Mbrojtjes Mimi Kodheli ka komentuar ngjarjet më të fundit të aktualitetit politik në vend.
Kodheli e vuri theksin te rikthimi i regjimit të vizave të shtetit të Holandës me Shqipërinë. Sipas Kodhelit kjo gjë nuk do të ndodh, duke nënvizuar se në këtë çështje kanë ndikuar Partia Demokratike me anë të lobimit të saj, duke krijuar një opinion negative në sytë e Holandës.
“Të them të drejtën kam pas një koment të shkurtër dhe dje, lidhur me këtë vendim të këtij parlamentiT, të gjitha parlamenteT në Evropë janë të lira të marrin vendime, qeveria holandeze ka marrë një qëndrim tjetër i cili ka qenë sa eksplicit dhe i qartë në vendosjen e regjimit të vizave për shqiptarët ka një problematikë në përgjithësi Evropa sot, lindja, zhvillimi, lulzimi i forcave të djathta ekstreme dhe ksenofobe në raport me banorët që nuk janë nga këto vende respektive.
Ata janë në prag të zgjedhjeve Evropiane dhe shumë parti të djathta ekstremiste duan të marrin vota duke përdorur këtë mënyrë për të goditur steriotipet shqiptare, ne nuk jemi në top lista të keqdashësve, apo të shkelësve të ligjit, për të ndodhur regjimi i vizave do të duhet që gjithë parlametet e BE-së të votonin në mënyrë absolute, nuk do të ndodh rikthimi i vizave, shqiptarët nuk duhet të frikësohen, ne kemi punuar fortë që Shqipëria të mos ketë kufizime në rikthimin e vizave, Shqipëria ka bërë detyrën e saj në rrugën drejt BE-së, duke qenë të rregullt madje ne duhet të punonim më shumë edhe për Kosovën që t’i hiqeshin vizat, e jo më të diskutojmë çështjen e rikthimit të vizave.
E pyetur nëse opozita ka ndikuar në vendimin e qeverisë holandeze nëpërmjet lobimit, Kodheli u shpreh e bindur se ka fakte dhe të dhëna që opozita shqiptare ka ndikuar në këtë proces.
“Ne nuk mendojmë, ne kemi fakte të qarta se çfarë është thënë dhe si është punuar në mënyrë që të përfitohet ky opinion negativ , personalisht kam udhëtuar dhe kam takuar homologët të cilët janë çuditur se si shqiptarët e Shqipërisë kanë këto opinione negative”.
