Kancelari gjerman Friedrich Merz deklaroi se Ukrainës i është dhënë drita jeshile për të përdorur armët që ka marrë nga aleatët e saj për të kryer sulme thellë brenda territorit rus.
Kancelari Friedrich Merz tha se Gjermania, Franca, Britania e Madhe dhe Shtetet e Bashkuara kanë hequr kufizimet në rrezen e veprimit për furnizimet ushtarake për Ukrainën.
“Nuk ka më kufizime në distancën e armëve të furnizuara Ukrainës – as nga britanikët, as nga francezët, as nga ne, as nga amerikanët.
Kjo do të thotë që Ukraina tani mund të mbrohet, duke goditur pozicione ushtarake në territorin rus:, tha Merz.
Kancelari gjermane shtoi gjithashtu se tani është e nevojshme t’i sigurohet Ukrainës armë me rreze të gjatë veprimi.
Kujtohet se paraardhësi i tij, Olaf Scholz, ishte kategorikisht kundër misionit, duke përmendur frikën se një veprim i tillë mund ta fuste Gjermaninë në luftë.
Një sondazh i kohëve të fundit gjerman tregoi se shumica e gjermanëve ende e mbështesin këtë pikëpamje, me 65% të të anketuarve – pothuajse dy të tretat – që kundërshtojnë misionin e raketave Taurus në Ukrainë.
Gjermania pritet të ofrojë 100–150 raketa kruz Taurus, ekuivalente me raketat britaniko-franceze Storm.
Nga ana e tij, Kremlini e cilësoi vendimin për t’i dhënë Ukrainës leje të godasë objektiva thellë në Rusi si një vendim të rrezikshëm, duke shtuar se “ky vendim është në kundërshtim me aspiratat tona për një zgjidhje politike.”
