Nënkryetari i PD, Edi Paloka ka deklaruar se pas mbledhjes së Konferencës së kryetarëve se nuk është pranuar kërkesa e opozitës për zgjatjen e punimeve të komisionit hetimor për çështjen ‘Tahiri’.
I menjëhershëm ka qenë edhe reagimi i kryetarit të Grupit Parlamentar të Partisë Socialiste, Taulant Balla në një deklaratë për mediat theksoj se PD –LSI duhet të sjellë shkresën në formën e duhur.
‘Nga Komisioni kemi dalë të dakordësuar. Sa herë që të ketë një kërkesë për Komision hetimor nga PD ne do ta ngremë.
Në kushtet që ka dy muaj sqë këtij komisioni i ka mbaruar mandati, normë kjo që funksionon gjithmonë, Partia Demokratike, duhet të sjellë në formë të rregullt shkresore siç e kërkon Kushtetuta, në mënyrë që të vazhdojë punimi. Nuk do të lejojmë që në asnjë mënyrë, pse Partia Demokratike ka qenë në gjumë prej dy muajsh, që të shkelet Kushtetuta. Partia Demokratike e LSi t’i sjellin kërkesat siç e do ligji”, tha Balla.
