Edhe pse është një prej lojtarëve më të mirë në botë, ndoshta edhe më i miri, edhe Leo Messi ka ndienja si gjithë të tjerët.
Ishte Qershori i vitit 2016 i Argjentina u dorëzua në finale përballë Kilit në Kupën e Amerikës, pas goditjeve të penalltive.
Leo Messi ishte një nga lojtarët që gaboi nga pika e bardhë dhe ylli argjentinas vuajti shumë mbas kësaj humbje.
Diçka të tillë e zbulon Elvio Paoloroso, i cili punonte në stafin teknik të Tata Martinos si përgatitësi atletik i skuadrës.
Ai rrëfen:
Dhimbja ishte e madhe pas humbjes, por më e keqja ndodhi më pas. Ishte ora dy e mëngjesit pak a shumë dhe gjeta Leon, i cili ishte vetëm dhe po qante me dënesë, si një fëmijë që i ka vdekur e ëma. U ula me të, fillova ta ngushëlloja, përqafoja dhe më pas filluam të qanim të dy. Kam punuar me Mesin te Barcelona dhe Argjentina dhe kam vetëm fjalë falënderuese kundrejt tij. Ai ka bashkëpunuar gjithmonë për të mirën e ekipit”.
