Në janar 2018 bashkëshortja e Kryetarit të Bashkisë Erion Veliaj, Ajola Xoxa, së bashku me Iris Feratin dhe Lira Kryeziun, themeluan Qendrën e Artit Kontempran “Harabel”.
Deri në vitin 2023, “Harabel” zhvilloi 29 ekspozita, botoi 25 katalogje arti, 11 instalacione apo performanca artistike dhe 1 atelie kreative.
Vetëm në Tiranë në periudhën 2019-2023 Qendra Harabel e Xoxës zhvilloi të paktën 11 evente apo instalacione arti, disa prej të cilave Citizens.al i sjell të përmbledhura në këtë seri fotografish.
Hetimet paraprake të Strukturës së Posaçme Anti-Korrupsion, kanë ngritur dyshimin se një pjesë e aktivitetit të Harabel u sponsorizua në mënyrë korruptive nga biznesmenë që përfituan tenderë apo leje ndërtimi nga Kryetari i Bashksië Erion Veliaj.
“Qyteti që ëndërron”, i inauguruar më 5 maj 2023, është një instilacion arti publik i vendosur mbi çatinë e një fasade shumëngjyrëshe në qendër të Tiranës. Instilacioni përfaqëson izolimin e vendit në të shkuarën, por edhe një shpresë për të ardhmen.
Më 25 korrik 2022, Harabel inauguroi instilacionin “Tre Herë e Zezë” . Instilacioni është inspiruar nga arkitektura e qyteteve dhe ka si qëllim që kalimtarët të ndërveprojnë me veprën. Aktualisht vepra është e dëmtuar në fasadë dhe dukshëm nuk ka pasur një kujdes për të në vijimësi.
E inauguruar më 19 nëntor 2020, “Kaligrafia”, është e vendosur midis Ministrisë së Financave dhe Ministrisë së Bujqësisë në Tiranë. Një bankë shkolle, dy pllaka bronzi të mbështetura mbi të, instilacioni lidhet me një përvojë të fëmijërisë së artistit që e ka krijuar.
“Zâni” (në shqip “Zëri”), e inauguruar më 31 maj 2021, është një instilacion i përbërë nga një kombinim tubash hekuri me përmasa të ndryshme, të cilët duket sikur qëndrojnë pezull në ajër dhe mbështesin njëri-tjetrin përmes lojës së dritës.
Seria e fotove të mëposhtme është marrë nga faqja zyrtare e “Harabel”, për shkak se një pjesë e instilacioneve nuk është më ekzistuese dhe një pjesë tjetër e paaksesueshme.
Performanca artistike “Le Souffle de l’Artiste”, të realizuar nga The Two Gullivers (Flutura Preka dhe Besnik Haxhillari). Kjo vepër arti publike u zhvillua te Reja më 25 maj 2019, duke filluar në mesnatë (00:00) dhe duke përfunduar në mesditë (12:00), me një bisedë të hapur mes artistëve dhe pjesëmarrësve.
Harabel Contemporary Art Platform inauguroi veprën e artit publik “Kafka” nga artistja Lumturi Blloshmi më 26 maj 2022.Kjo vepër u instalua në sallën qendrore të Universitetit të Arteve, Tiranë.
“Harabel”, e ftuar nga REJA, prezantoi dy vepra të artistit Anri Sala:“Take Over” (2017),“Mixed Behavior Reloaded” (2018). Ky event u mbajt më 30 maj 2018, në orën 20:30.
Më 19 mars 2021, “Harabel” inauguroi instalacionin e artit publik “Enough Is Enough” nga artisti Alban Muja.
“Këpucët e Kuqe” është një projekt që u realizua për herë të parë në Meksikë në vitin 2009, i konceptuar dhe krijuar nga arkitektja dhe artistja pamore Elina Chauvet.
“Harabel” e rikrijoi këtë instalacion në Tiranë, duke vendosur 600 palë këpucë të kuqe në Sheshin “Nënë Tereza”, ku qëndroi për 6 muaj. Ky instalacion simbolizon të gjitha gratë që kanë humbur jetën si pasojë e dhunës me bazë gjinore.
“Harabel Contemporary” inauguroi instalacionin e artit publik “Bleta” më 1 korrik 2021, në Landfillin e Tiranës.
/citizens.al/
