Detaje të reja dalin në dritë nga arrestimi i sotëm i dy autorëve të dyshuar për vrasjen e biznesmenit Memli Begalla.
BalkanWeb’ mëson se bashkëpunëtori i Denis Demirit për vrasjen e 64-vjeçarit, Ardian Serezi ishte kapur në shkurt të vitit 2014 me 1 ton drogë. Po ashtu, burime për ‘BalkanWeb’ thanë se Serezi ka qenë efektiv i Policisë së Shtetit, ndërsa emri i tij është lakuar shpesh herë nga PD, me pretendimet e ai kishte lidhje me Tahirin.
Kujtojmë se në Gjirokastër u ndalua një kamion që ishte mbushur me pleh, ndërsa brenda kishte 1 ton drogë që vinte nga Lazarati. Siç u tha në atë kohë, droga kishte si destinacion Italinë.
AKUZA E PD NE 2014: SEREZI PUNON NË POLICI, I AFËRT ME TAHIRIN
Partia Demokratike u shpreh para 4 vitesh se i arrestuari me 1 ton drogë ishte punonjës në Policinë e Shtetit dhe i afërt me Tahirin, në atë kohë ministër i Brendshëm. “I ndaluari nga Policia e Gjirokastrës me një ton marijuanë, me destinacion Italinë, është një punonjës i Policisë së Shtetit, i emëruar nga Rilindja, me precedentë penalë dhe njeri i afërt i ministrit të Brendshëm. Ai njihet për raportet e ngushta që ka me Tahirin, veçanërisht në fushatën e fundit elektorale, ku shërbente edhe si shoqërues i ministrit të Brendshëm”, shprehej në akuzat e saj PD tre katër vite më parë. Madje në atë kohë PD i kërkoi Tahirit të tregojë marrëdhëniet që ka me Ardian Serezin.
(ed.me/BalkanWeb)
