Mediat kryesore në Amerikë, raportuan një ditë më parë, për një mega projekt të dhëndrit të Donald Trump në Sazan dhe Zvërnec, ku thuhet se do të investohen 1 miliard dollarë.
Lajmi mund të ishte një kauzë e mirë për opozitën, pasi vjen në kohën që socialistët miratuan ligjin për investime edhe në zonat e mbrojtura.
Dhe menjëherë pas miratimit të këtij ligji, raportohet se dhëndri i Trump do të ndërtojë pikërisht në Sazan, një zonë ushtarake shumë e lakmuar.
Por çuditërisht, Sali Berisha dhe mediat e tij, kanë heshtur.
Kjo, pasi së pari, janë të kompleksuar janë të kompleksuar nga fakti se në lojë është dhëndri i Donald Trump, të cilin e konsiderojnë si “aleat” dhe që do t’i heqë non grata-n sapo të rikthehet në pushtet (kështu iu thonë militantëve).
Së dyti, se “sekser” në këtë marrëveshje është Richard Grenell, një personazh i afërt me Rithemelimin, që shfaqet çdo muaj për intervistë në televizionin e familjes Berisha.
Së treti, ky lajm u ka rënë si bombë, sepse në publik tashmë Edi Rama shfaqet si një lojtar global, që negocion jo vetëm me Erdogan e Melonin, por dhe me vetë Donald Trump dhe dhëndrin e tij.
Ndaj e kanë qepur gojën, dhe as e raportojnë dot si lajm, as e denoncojnë si plaçkitje të Shqipërisë.
Edhe PD e Bashës ka heshtur, po dhe ata janë të kompleksuar se në mes është Donald Trump.
I vetmi që po e “shijon” këtë duket se është Edi Rama, i cili na del se nuk paska mik vetem Sorosin, por edhe Donald Trump.
