Një lajm i mirë vjen për të gjithë banorët e Dibrës, por edhe më gjerë, nga mbledhja e sotme e qeverisë. Mes vendimeve të sotme të Këshillit të Ministrave është edhe miratimi i kontratës për ‘Rrugën e Arbrit’.
Kontrata për këtë rrugë është firmosur në muajin shkurt mes Ministrisë së Infrastrukturës dhe Kompanisë Gjoka sh.a. “Për Përmirësimin, ndërtimin, operimin dhe mirëmbajtjen e Rrugës së Arbrit”, u miratua në mbledhjen e sotme të Këshillit të Ministrave.
Me kontratën e firmosur më 5 shkurt 2018 Rruga e Arbrit do të kushtojë 240 milionë euro dhe shteti do të marrë përsipër të likujdojë kontraktorin brenda një periudhe 13 vjeçare. Kontraktori do të marrë përsipër të ndërtojë rrugën në fillim me shpenzimet e tij dhe mirëmbajtjen e kësaj rruge gjatë gjithë periudhës së koncesionit”.
