Drejtuesit e Bankës OTP kanë marrë vendime drastike për shkak të vështirësive ekonomike.
Prapaskena mëson se nga janari i këtij viti, asambleja e përgjithshme e OTP vendosi të mbyllë 17 degë në Korçë, Lezhë, Tiranë, Gjirokastër dhe qytete të tjera të vendit.
Me firmë të Bledar Shellës dhe mbikëqyrjen e Armand Dukës, Adrian Civicit dhe Arpad Srankos, banka hungareze uli qepenat në disa prej degëve kryesore në vend.
Ky vendim vjen vetëm pak muaj, pasi OTP bleu për 55 milionë euro, 100 për qind të aksioneve të bankës greke Alpha Bank.
Kreditorëve dhe invesitorëve të Alphës iu desh që të transferoheshin pranë OTP, por kjo mund të mos jetë lëvizja e fundit.
Në bilancet e bankës OTP konstatohen probleme të mëdha sidomos me mbledhjen e kredive.
Madje këto vështirësi ishin evidente edhe në momenti kur u bë përthithja e aksioneve të Alphës.
Sipas bilanceve deri më 31 dhjetor të 2021, banka hungareze OTP kishte një ekspozim të konsiderueshëm ndaj rrezikut të kredisë.
Viti pandemik akumuloi kredi të ristrukturara por me vështirësi në pagesa, gjithashtu OTP ju është drejtuar edhe institucioneve të tjera financiare për të marrë borxh, në mënyrë që të kishte likuiditet.
Mbyllja e Alpha Bank duket se po krijon një efekt domino edhe për OTP, e cila në rastin më të mirë mund të bashkohet me një tjetër bankë për të shpëtuar depozitat e investitorëve.
Rrokullisja e OTP drejt falimenti po u mbahet e fshehtë shqiptarëve që janë klientë të OTP-së.
Çuditërisht as pelivani Spiro Brumbulli, i shoqatës së bankave nuk flet, por po shikoj vilën me para të pista në Farkë.
Ndërsa guvenatori Gent Sejko duket se është fokusuar tek banka e tij, të kamufluar në emrin e kunatit.
Pas OTP qëndrojnë oligarkët e Putinit
por OTP Bank në Shqipëri ka lidhje të drejtpërdrejtë me oligarkët rusë pranë Vladimir Putin, të cilët janë në listën e zezë të Shteteve të Bashkuara të Amerikës dhe të sanksionuar nga BE-ja.
OTP Bank në Shqipëri është pjesë e Grupin Hungarez OTP, ku aksioner kryesor është rusi Megdet Rahimkulov, një oligark pranë Putinit. Në Shqipëri administrator i OTP Bank është Bledar Shella, i cili shërben si fije lidh, i cili shërben si fije lidhëse, bashkë me një grup të dhitmë.
Mihail Rahimkulov, me origjinë tatare, është një nga miliarderët më të mëdhenj në Rusi dhe njihet për lidhje të forta me Putinin. Rahimkulov ka qenë drejtor ekzekutiv i Gazprom, i Panrusgaz dhe i disa bankave
Megdet Rahimkulov është në listën e sanksioneve të Departamentit të Thesarit të SHBA-së së bashku me dhjetëra oligarkë të afërt të Putinit.
Rahimkulov konsiderohet nga amerikanët mes 6 grupeve financiare më të fuqishëm në Rusinë e Vladimir Putin.
Në vitin 2018, Departamenti i Thesarit i SHBA publikoi listën e zezë me oligarkët rusë dhe figura politike pranë Putitit, si pjesë e luftës kundër planeve të Putin për të ndërhyrë nëpër demokracitë në botë.
Ndërsa Shtetet e Bashkuara të Amerikës e kanë bllokuar Megdet Rahimkulov që në vitin 2018, në Shqipëri oligarku i Putinit vepron lirish, duke ushtruar aktivitetin e tij financiar të dyshimtë.
