““Linda”, misteret e gruas në karrierë!”, është shfaqja që do të rikthehet në skenën e Teatrit Kombëtar.
“LINDA” drama me regji të Violeta Banushit (Trebicka) është një konflikt ndërmjet nënës dhe bijës, motrave, gruas dhe burrit, bashkëshortes dhe të dashurës, të aftës me të paaftën… konflikte të gjalla, por jo të rëndomta!
Aktorja Juli Emiri në studion e lajmeve në “Ora News” u shpreh se “Linda” prek shumë drama dhe sfida paralele.
“Realizimi i kësaj drame ka kërkuar mjaft punë deri në përfundim. E gjithë drama është përpjekja e saj për t’u përballur me sfidat e jetës dhe për të treguar se do ia dal”, u shpreh ndër të tjera aktorja Juli Emiri.
