Premier League angleze nuk njeh pushim as më 1 janar.
Mbrëmjen e sotme në mitikun “Anfield Road” Liverpool pret Newcastle në ndeshjen e parafundit të javës së 20-të për të nisur arratinë në krye. Skuadra e Klopp është në vend të parë me 42 pikë po aq sa Aston Villa por nëse fiton mund të shkëputet me tre pikë në krye.
Liverpool po kalon moment të mirë dhe do të përfitojë nga ndalesa e Arsenalit. Ndeshja jetike është ajo e orës 21:00 të mbrëmjes së sotme edhe për Newcastle që ka humbur katër nga pesë sfidat e fundit e do të kërkojë të mos gabojë më.
Java e 20-të në futbollin anglez mbyllet nesër me sfidën West Ham-Brighton.
