Nicolas Cage nuk do të largohet kurrë nga aktrimi pavarësisht numrit të madh të roleve në filma.
Aktori, i cili është shfaqur në mbi 117 filma, foli gjatë një interviste të fundit për pensionimin.
“Kjo nuk mund të ndodhë”, tha ai për EW, kur u pyet nëse kishte ndërmend të largohej nga aktrimi. “Kjo punë ka qenë si një engjëll mbrojtës për mua dhe kam nevojë për të”.
Nicolas Cage u shpreh se është “më i shëndetshëm” kur punon.
“Kam nevojë për një vend pozitiv për të shprehur përvojën time të jetës, dhe të bërit filma më ka dhënë këtë mundësi,” tha ai.
