Arabia Saudite ka kapacitete financiare të jashtëzakonshme dhe sheikët e këtij vendi disponojnë miliarda që i derdhin për investime edhe në vende të tjera. Një bast i vënë në një moment emocional, ka bërë që Iraku të përfitojë një projekt serioz në sport, një impiant që do të jetë më i madhi në botë. Një sheik saudit humbi bastin dhe tani duhet të mbajë fjalën e dhënë, për ndërtimin e një impianti ultramodern futbolli, që do të jetë më i madhi në planet.
Stadium do të quhet “ The Lion of Babylon” (Luani i Babilonisë) dhe do të jetë stadiumi me kapacitetin më të madh në Botë, plot 135 mijë vende, gjithashtu do të ketë një dizajn referuar së ardhmes. Gjithçka do të realizohet në nder të fjalës për një bast të humbur, por do të jetë një stadium që do të ribashkojë pas vitesh të shumta konfliktesh dy popuj, pikërisht Arabinë Saudite dhe Irakun.
Pikërisht në Irak do të ndërtohet ky impiant gjigand që për nga madhësia do të kalojë edhe stadiumin “Rungardo May Day Stadium” që është ndërtuar në Phenian të Koresë së Veriut. 28 shkurtin e kaluar me rastin e sfidës kualifikuese për Botërorin Rusi 2018 mes Arabisë Saudite dhe Irakut të zhvilluar në Basra, sfida e parë pas shumë vitesh mes këtyre dy përfaqësueseve, sheiku Re Salman i kishte premtuar kryeministrit të Irakut Hajder Al-Abadi ndërtimin e një stadiumi gjigand në rast humbjeje të skuadrës së tij. Dhe ashtu ndodhi, Iraku edhe pse jo favorit mposhti Arabinë Saudite që kishte siguruar kualifikimin në Botëror, tashmë sheikut saudit s’i mbetet gjë tjetër veçse të mbajë premtimin e dhënë. Dhe ai ka deklaruar se do ta mbajë premtimin për ndërtimin e impliantit.
