Ylli Manjani ka bërë një status në profilin e tij në Facebook ku shkruan, se në organizimin e procesit të inceneratorëve paska “koka” të tjera, drejtues të lartë, tek përmend dhe emrin e ish ministrit Damian Gjiknuri dhe vartëseve të tij pas zbardhjeve të emaileve të dhënies me koncesion të procesit të incenerimit.
Sipas Manjanit SPAK e ka më të lehtë nisur nga ky email që të hetojë aferën dhe të shkoj tek kokat më lartë, e jo të vegjetoj tek cironkat qê dallgët ia përplasin të ngordhura në breg të detit. Mëposhtë statusi i plotë i Manjanit:
“Hej, Klodianër…”,
Kështu fillon emaili që ka dalë së fundi në media, ku bashkëpunëtorja e Damian Gjiknurit i del për zot organizimit të gjithë procesit të dhënies me koncension të incenerimit dhe trajtimit të mbetjeve.
Ja pra që nuk na qënka “koka e problemit” te Lefter Koka. Paska patur kokë të tjera që i paskan drejtuar këto punë.
Ky email i nënpunëses është nisur nga emaili zyrtar. Pra s’u ka bërë syri tërt se kanë qenë të bindur se nuk u hyn gjëmb në këmbë.
Xhanëm asgjë s’u ka ndodhur… Të paktën deri tani…
Por ai email tregon shumë. Tregon nga ka nisur problemi. Nga ai email mund të shkohet më lart. Më poshtë ska ku të shkojë më. Nëse SPAK do të shkojë më lart, ja ku e ka shtegun. Tek ai email…
Hë për hë ka vetëm hetime të pjesshme, totalisht të paplota dhe masa sigurie të marra në nxitim për të treguar me zor rezultate.
