Marrëveshja me Greqinë për detin ka marrë një kthesë të rëndësishme, pas dorëheqjes së Nikos Kotzias, i cili mbante postin e Ministrit të Jashtëm. Tashmë në krye të diplomacisë greke do të qëndrojë vetë kryeministri, Aleksis Tsipras.
Ky i fundit ka vendosur që debatin për zgjerimin territorial ta zhvendosë në parlament, duke mos e trajtuar më çështjen si dekret presidencial. Sipas Zougla.gr, Tsipras ka vendosur të thërrasë Këshillin Shkencor të Ministrisë së Jashtme, për të diskutuar detajet.
Kujtojmë se negociatat mes Shqipërisë dhe Greqisë kishin nisur prej dy vitesh me takime dy palështë mes Ministrit të Jashtëm, Ditmir Bushati dhe ish-homologut të tij Kotzias. Kujtojmë se shkak për dorëheqjen e Kotzias, është bërë debate i këtij të fundit me Ministrin e Brendshëm, Panos Kamenos, në lidhje me shpërdorimin e fondit sekret të Ministrisë së Jashtme.
