Trupi i pajetë i minoritarit grek, Kostandinos Kacifas i vrarë pak ditë më parë në Bularat të Gjirokastrës pas ekspertizës së bërë në Mjekësinë Ligjore në Tiranë, në orët e para të mëngjesit ka mbërritur në Gjirokastër.
Trupi i pajetë u tërhoq nga morgu i QSUT rreth orës 03:00 të mëngjesit të sotëm, por ende nuk është dërguar pranë familjes së tij në Bularat dhe pritet të mbërrijë nga momenti në moment. Kostandinos Kacifas u ekzekutua nga forcat RENEA me 28 tetor, në ditën Kombëtare të Greqisë, ku në Bularat ishin mbledhur personalitete dhe figura të rëndësishme greke për të kremtuar festën.
Minoritari grek nuk iu bind urdhrit të forcave RENEA dhe për pasojë nga shkëmbimi i zjarrit ai mbeti i vrarë në pasditen e së dielës të 28 tetorit në Bularat të Dropullit në Gjirokastër.
Prokuroria dje firmosi tërheqjen e trupit të 35-vjeçarit nga ambientet e Mjekësisë Ligjore në Tiranë, ndërsa në ceremoninë mortore të minoritarit grek thuhet se do të jenë të pranishëm mbi 2000 mijë grekë. Ceremonia mortore do të zhvillohet ditën e enjte në orën 11:00
Policia shqiptare ka marrë paraprakisht të gjitha masat dhe do të monitorojë çdo gjë gjatë ceremonisë mortore për Kostandinos Kacifas.
