Lulzim Basha vendosi sot në orën 03:00 të mëngjesit të përjashtojë nga Partia Demokratike, ish-Kryeministrin Sali Berisha dhe disa prej anëtarëve të tjerë të Komisionit të Rithemelimit.
Mësohet se vendimi është marrë në orët e para të mëngjesit të sotëm, në mbledhjen e Kryesisë së Bashës, e cila është shkarkuar nga Kuvendi i 11 dhjetorit, vendim ky që nuk njihet nga Lulzim Basha dhe mbështetësit e tij.
Burimet saktësojnë se mbledhja e nisur pasditen e djeshme rreth orës 18:30 ka përfunduar vetëm rreth orës 03:30 të mëngjesit të sotëm.
Mësohet se anëtarët e komisionit të rithemelimit që janë përjashtuar janë: Bujar Nishani, Flamur Noka, Albana Vokshi, Edmond Spaho, Arben Ristani, Klevis Balliu, Keltis Kruja.
Ndërkohë që për pjesën tjetër të anëtarëve të Komisionit të Rithemelimit, Kryesia ka vendosur që ata të qëndrojnë të pezulluar. Në mesin e atyre që janë pezulluar janë Agron Shehaj, Belind Këlliçi, Ledina Mandija, Tritan Shehu, Aldo Bumçi, Çlirim Gjata, Edith Harxhi, Edi Paloka, Luan Baçi, Oerd Bylykbashi, Lorenc Luka, Ivi Kaso, Mimoza Hajdarmataj dhe Bledi Himçi.
Pritet që ky vendim i kryesisë të kalojë më pas për miratim në Këshillin Kombëtar të Partisë Demokratike.
