Mbrojtësi holandez i Liverpool, Virgil Van Dijk është i bindur në triumfin e skuadrës së tij në sezonin e ri. Edicionin futbollistik që lamë pas, të kuqtë ishin shumë pranë një suksesi historik, por u mposhtën nga Real Madrid në finalen e Champions League.
Van Dijk iu bashkua të kuqve të Merseyside në janar, për plot 75 milionë euro, duke u bërë mbrojtësi më i shtrenjtë në historinë e futbollit. Liverpooli kuotohet si favorite për të triumfuar në Premier League, por dhe në Champions. Edhe Van Dijk shpreson që Liverpool të fitojë diçka në sezonin e ri.
Në fjalën e tij, kapiteni i Holandës dhe mbrojtësi i Liverpool tha: “Shpresoj që të bëjmë diçka spektakolare këtë vit. Nuk ë pëlqen të shoh shumë nga e ardhmja, duhet të bëjmë detyrën tonë në fushë nga ndeshja në ndeshje. Të gjithë në skuadër duan të fitojnë diçka. E dimë që do të jetë një sezon shumë i vështirë.”
