Gjatë seancës së sotme parlamentare, deputeti i Partisë Socialiste, Petro Koçi ka komentuar vendimin e Gjykatës së Apelit të një dite më parë, lidhur me vulën e Partisë Demokratike. Ligjvënësi socialist tha se vula i takonte Sali Berishës, duke shtuar se ai këtë bindje e ka patur që në krye të herës.
Koçi u shpreh se PD është e Sali Berishës, duke shtuar se “ishte po ky Berishë që shpalli Fredi Belerin kandidat për kryetar Bashkie në Himarë, duke vulosur kështu tradhti ndaj atdheut, duke rivrarë dëshmorët po me atë vendim”.
Deputeti Koçi ju drejtua përfaqësuesve të opozitës, duke u bërë thirrje të distancohen nga Partia Demokratike.
Pjesë nga fjala e Petro Koçit:
Berisha mori vulën e PD, unë realisht mendoj se atij i takon, po Berishës i takon, atij Berishe që shpalli kandidat kandidat për Kryetar Bashkie në Himarë, Fredi Belerin.
Duke vulosur kështu një tradhëti ndaj atdheut, duke rivrar dëshmorët me atë vendimmarrje, ja kjo ishte ajo që bëri Berisha dhe Partia Demokratike.
Kjo është Partia Demokratike dhe ju duhet të keni fuqi të distancoheni këtë duhet të bëni.
Unë jam kundër korrupsionit qoftë nga PD qoftë nga PS, jam përpjekur të jem zë qytetari dhe jo të ngec mes interesave.
