Piramida e Tiranës po merr formën e saj për t’u shndërruar në qendrën më të madhe të teknologjisë në Ballkan. Kështu shprehet kryeministri Edi Rama teksa ka publikuar disa foto nga punimet brenda dhe jashtë saj.
“MIRËMËNGJES me punën e përditshme në kantierin e Piramidës së Tiranës, e cila së shpejti do të jetë gati për qendrën më të madhe të teknologjisë digjitale në Ballkan”, shkruan Rama.
Transformimi i Piramidës në Tiranë vlerësohet si një nga 12 projektet më të mira arkitekturore në botë. Revista e njohur në fushën e arkitekturës “Dezeen”, ka perfshire edhe Piramidën, ku mijëra të rinj presin që të mësojnë gjuhët e kodimit, duke marrë një profesion të sigurt për vendin e punës.
Rreth e qark Piramidës do të jetë një hapësirë e madhe publike e gjelbëruar, ndërsa punimet do të përfundojnë brenda vitit 2023.
