Mediat pranë PD-së dhe Lulzim Bashës, i janë rikthyer sulmeve kundër ambasadorit amerikan në Tiranë.
Sipas tyre, Donald Lu do të largohet në mes të korrikut nga Shqipëria, ndërsa Ambasada amerikane do të drejtohet nga zv.ambasadori.
Por duket se Basha dhe PD nuk e ka inatin vetëm me Donald Lu, por me gjithë administratën e SHBA-së në Ambasadën amerikane në Tiranës.
“Përpos ambasadorit Lu, pritet që këtë verë të largohen edhe të gjithë zyrtarët e tjerë më të lartë të Ambasadës amerikane në Tiranë.
Mes tyre përmendim Zëvendës Ambasadorn David Muniz, shefin e Zyrës së Marrëdhënieve me Publikun Ryan Roberts, Shefi i Zyrës së OPDAT Jon Smibert dhe shefja e misionit të USAID-it Catherine Johnson të cilët do të largohen brenda verës.
Sipas zyrtarit të cituar nga Departamenti i Shtetit, të vetmit drejtues aktualë që do mbeten në detyrë pas muajit gusht, janë shefja e Seksionit Politik dhe Ekonomik Carson Relitz-Rocker dhe shefi i Zyrës Konsullore Daniel Koski, të dy të emëruar vitin e shkuar.
Ende nuk dihet se ccfarë do të bëjë Zoti Lu kur të largohet nga Tirana, mirëpo duke kujtuar paraardhësit e tij Ëithers dhe Arvizu, me shumë gjasa do të mbetet pa një detyrë të rëndësshme në Departamentin e Shtetit.
Ambasadori Lu njihet si një ndër ambasadorët, i cili e ka mbështetur pa kushte Edi Ramën dhe qeverinë socialiste, madje është kritikuar shumë nga mediet lidhur me këtë.
Ndryshe nga Lu, shefi i ri për Europën i Departamentit, Ndihmës Sekretari i Shtetit Ëess Mitchell nuk është angazhuar shumë me Shqipërinë. Përkundrazi ka vendosur të qëndrojë larg”, shkruan një nga portalet e financuara nga Basha.
E duan me çdo kusht Donald Lu të largohet.
Edhe pse vetë ambasadori ka lënë të kuptohet se do të qendrojë edhe për një vit në Shqipëri, deri sa të mbarojë punë me reformën në drejtësi.(TemA)
