Gazetari Mentor Kikia, është shprehur se protesta që u zhvillua ditën e sotme ishte një sajesë, ndërsa ka shtuar se nuk ishte as kundër nismës “Open Balkan” apo kundër incineratorëve.
Kikia u shpreh se protesta e thirrur ditën e sotme ishte një protestë promovuese grupimit të ri të PD që drejtohet nga Komisioni i Rithemelimit.
Mentor Kikia: Protestat nuk janë më mjet i luftës politike. Ajo që ndodhi sot ishte një gjë e sajuar në emergjencë. Protesta e sotme nuk ishte as kundër ‘Open Balkan”, as kundër incineratorëve, por ishte një protestë promovuese e grupimit të ri apo asaj që ai e quan PD tashmë, nën drejtimin e atij komisioni që ka krijuar.
Të bësh një protestë kundër ‘Open Balkan’ duhet të një kohë e gjatë për të promovuar kauzën. Jam i bindur se pjesa dërmuese e atyre që ishin në atë protestë nuk e dinë se çfarë është “Open Balkan.
Për gazetarin ardhja e Vuçiç ishte një pretekst për të thirrur këtë protestë, pasi sipas tij ky tubim ishte test që Berisha të shikonte mbështetjen e tij.
Mentor Kikia: Ardhja e Vuçiç ishte një pretekst për të thirrur këtë protestë, por më shumë ishte një lloj testi që Berisha do të bënte për të parë mbështetjen e tij. Por duhet të ketë vënë mend nga ajo që pa aty për të hequr dorë nga protesta si element i demonstrimit të mbështetjes që ka në PD. Janë lodhur shqiptarët. Protestë si dikur nuk mund të ketë më. Berisha në kushtet kur duhet të ngrejë kundër qeverisë.
Sepse mes Berishës dhe Bashës është kauza e kontrollit në PD. Përpara se të protestojnë për incineratorët, qoftë Berisha apo Basha duhet të zgjidhin problemin mes tyre. Të dyja palët i kanë konsumuar të dyja alternativat.
