Ka marrë fund pengmarrja e armatosur në Paris pasditen e sotme. Policia ka arritur të prangosë autorin e kësaj pengmarrje dhe të lirojë dy pengjet pas rrethimit të ndërtesës.
Zyrtarët u thirrën në vendin e ngjarjes në rrethin e 10-të të Parisit, ku pretendohej se një person ishte i armatosur, mbante në dorë një lëndë shpërthyese si dhe një pistoletë dhe se kishte marrë peng disa persona, përfshirë një grua shtatzënë.
Ministri i Brendshëm i Francës, Gerard Collomb konfirmoi se ata ishin liruar të martën në mbrëmje. Sipas policisë, një pengu iu hodh benzinë dhe u godit në fytyrë përpara se të arrinte të shpëtonte. Pengjet e tjera gjithashtu mendohet se u është hedhur benzinë. Ndërsa një burim pranë vendit të ngjarjes tha se pengmarrësi donte të fliste me ambasadën iraniane dhe qeverinë franceze.
