Presidenti Meta ka deklaruar se Shqipëria është në një krizë politike.
Ai deklaron se edhe mazhoranca nuk duhet t’i kishte zëvendësuar aq shpejtë mandatet që lanë bosh partitë opozitare.
Ndërkohë që fton të dy palët që të gjejnë gjuhën për të zgjedhur këtë ngërç.
“Procesi është tepër i rrezikuar. Opozita ka bërë një veprim tepër të nxituar i djegies së mandateve. Por për fat të keq edhe mazhoranca ka bërë një veprim të nxituar për zëvendësimin e mandateve.
Kështu që jemi në një situatë kur duhet të dyja palët të bëjnë hapa pas dhe të gjejmë rrugën e duhur për të shkuar drejt zgjedhjeve të drejta. Zgjedhjet janë problematike nëse bëhen pa opozitën. Unë shpresoj në një reflektim të dy palëve.
Për sa i përket opozitës, për fat të mirë protesta e fundit ishte një protestë paqësore. Krizë shumë të thellë kushtetuese dhe përfaqësuese. Do të kisha qenë më kritik se ju për djegien e mandateve nëse Shqipëria do të kishte një Gjykatë Kushtetuese.
Çdo mos pajtim që do kishte opozita ka se ku të ankohet. Çdo marrëveshje qe vendos normalitet të funksionimit të kushtetutës dhe përfaqësimi” ka deklaruar Meta.
