Opozita duket se është acaruar për mbështetjen e madhe dhe të papritur që donatorët ndërkombëtarë i dhanë Shqipërisë për tërmetin e nëntorit.
Duke qenë se paratë e mbledhura, mund të përkthehen si një sukses i Edi Ramës, opozita ka nisur sulmet.
Fillimisht ishte Petrit Vasili, dhe më pas ka qenë vetë presidenti Ilir Meta, që i nervozuar nga ndihma e Bankës Botërore, ka thënë se kjo e fundit ka financuar edhe vende diktatoriale.
“Për çdo gjë të mirë që bën qeveria ka edhe përkrahjen time, por transparenca u theksua fort dhe të gjithë, edhe Shtetet e Bashkuara e dhanë fondin e tyre për të mbështetur transparencës.
Jam gati të duartrokas kryeministrin dhe qeverinë për çdo punë të mirë që ka bërë.
Unë kam kërkuar nga qeveria të marrë masa edhe para tërmetit.
Ajo që kam theksuar sot ka të bëjë me kapjen e të gjithë institucioneve.
Zëri i Amerikës raportoi sot edhe për nivelin e korrupsionit që është thelluar krahasuar me vitet e mëparshme.
Edhe për reformën në drejtësi janë dhënë 200 milion euro. Ku jemi? Kjo është shumë e rëndësishme.
Banka Botërore jep kredi edhe për vendet diktatoriale. Mesazhet janë solidaritet për popullin shqiptar”, tha Meta në emisionin “Open”.(TemA)
