Lajmi se Ballkani rrezikohej nga një tërmet apokaliptik, i parashikuar nga shtëpia e pushimeve në Gjirin e Lalëzit të çiftit të fallxhorëve, Iliri dhe Monika, duket si i ka kaluar dhe kufijtë e vendin tonë, duke e bërë edhe më qesharak vendin, po më përpara presidentin në sy të botës.
Letra e Metës, i veshur me kostum fallxhori e jo sizmiologu, dërguar Kryeministrit Edi Rama, se po lindte nevoja për thirrjen e Këshillit të Sigurisë Kombëtare pasi vendi rrezikohej nga katastrofa, nuk ishte absurd, por duhen marrë masa të menjëhershme të shikohet shëndeti mendor i Presidentit, i cili me sa duket po i tundet toka nën këmbë atij dhe tarafit të tij, e i duket se po dridhet e gjithë Shqipëria.
Teksa parashikon një “shkundje” apokaliptike, Meta i kërkon llogari qeverisë për masat e marra dhe kërkon informacion mbi situatën.
Por, pas deklaratave absurde ka reaguar vetë sizmilogu grek, të cilit Meta i referohej në letrën e tij, duke përgënjeshtruar gjithçka si të pavërtetë.
Sizmiologu Akis Tselentis grek përgënjeshtron Metën: “S’kam bërë kurrë një parashikim specifik për tërmet! Është qesharake, e gjitha kjo është ‘fake’, s’kam folur me Metën.”, tha sizmilogu pasi u pyet nga televizioni ReportTv./Ekskluzive.al
Letra e plotë
Të nderuar
Nëpërmjet medias ndërkombëtare dhe kombëtare jam informuar mbi paralajmërimin për një tërmet apokaliptik që pritet të godasë Ballkanin. Paralajmërimi ka ardhur nga sizmiologu i njohur, zoti Akis Tselentis, drejtor i Institutit Gjeodinamik Obsarvatori Kombëtar i Athinës.
Sizmiologu Tselentis ka paralajmëruar për një tërmet apokaliptik që pritet të godasë Ballaknin, që mund të jetë 30 herë më i fuqishëm se ai që goditi para disa ditësh rajonin e Athinës.
Për shkak të karakteristikave të veta sizmike vendi ynë është një nga vendet me sizmicitetin më të lartë në Europë. Prandaj Shqipëria është një vend i kërcënuar nga kjo dukuri natyrore.
Për sa më sipër, kërkoj nga ana juaj të informohem mbi:
Institucionet përgjegjëse, a kanë kontaktuar me sizmiologun Tselentis dhe institucionet homologe. të rajonit lidhur me të dhënat e tyre për paralajmërime të tilla?
Cilat janë kapacitetet tona për përballimin dhe masat e marra nga ana juaj , nëse vendi ynë do të goditet nga një tërmet i përmasave të tilla.
Çfarë masash janë marrë apo do të merren për të reaguar në kohë dhe për të minimizuar pasojat e mundshme në nivel qëndron dhe vendor?
Nëse e gjykoni të domosdoshme, jam i gatshëm të mbledh Këshillin e Sigurisë Kombëtare menjëherë qoftë dhe vetëm për këtë çështje, pasi çdo nënvlerësim i situatës mund të jetë me pasoja tragjike për jetën e qytetarëve në radhë të parë.
Presidenti i Republikës
Ilir Meta
