Ish-kreu i Shërbimit Informativ Shtetëror, Bahri Shaqiri është propozuar nga Presidenti Ilir Meta për të drejtuar Kontrollin e Lartë të Shtetit.
Në propozimin drejtuar Kuvendit, Meta thotë se, Shaqiri plotëson të gjitha kushtet dhe kriteret ligjore për t’u emëruar në këtë pozicion.
Sipas tij, ai është një kandidaturë me eksperiencë në drejtimin e institucioneve, me njohuritë e duhura në fushën e ligjit dhe auditimit për të garantuar drejtimin profesional të këtij institucioni të pavarur.
Meta shton se gjatë ushtrimit të detyrave shtetërore, Shaqiri ka patur bashkëpunim të shkëlqyer me partnerët ndërkombëtarë, në kuadër të luftës kundër krimit të organizuar dhe krimit ekonomiko-financiar.
Bahri Shaqiri, aktualisht mban detyrën e këshilltarit të Presidentit për Çështjet e Sigurisë Kombëtare.
