Ministri i Jashtëm Italian Luigi Di Maio ka falenderuar në gjuhën e tyre të gjithë vendet që i janë gjendur pranë Italisë përgjatë pandemisë së koronavirusit.
Ai e ka nisur falenderimin në gjuhën shqipe, ndërsa ka dhënë lajmin e mirë se tashmë numri i infeksioneve ka rënë pikërisht falë punës së bluzave të bardha.
“Mjekët, infermierët dhe punonjësit e shëndetit po punojnë masivisht për të shpëtuar jetë.Këta njerëz janë duke pushuar vetëm disa orë në natë, pavarësisht se ditëve të fundit numri i infeksioneve ka rënë, ka ende shumë punë për të bërë.
Për t’i dhënë mbështetje grave dhe burrave që punojnë në spitalet tona, ne na është dërguar personel shëndetësor nga jashtë.Deri më tani janë mbi 330 mjekë dhe infermierë të dërguar nga vendet e huaja që po ndihmojnë bluzat tona të bardha“, shkruan Di Maio.
