Trajneri i Manchester United, Jose Mourinho, u ndal te blerja e Cristiano Ronaldos nga Juventusi. Numri një i stolit të “djajve të kuq” foli në lidhje me largimin e portugezit nga Real Madridi te “Zonja e Vjetër”. Ai mendon se niveli i Seria A-së do të jetë më i lartë me afrimin e lojtarit.
“Juventus dominon prej vitesh dhe do të vazhdojë ta bëjë falë blerjes së Ronaldo-s, por nga ana tjetër mendoj se ky operacion do të motivojë akoma më shumë ekipet e tjera të mëdha të kampionatit.
Ata do të kërkojnë të bëjnë më mirë se Juventus: Inter, Milan, Napoli dhe Roma do të jenë akoma më të vendosura. E gjitha kjo mund ta bëjë kampionatin italian më emocionues dhe cilësor”, – tha portugezi.
