Pas paralajmërimeve të ashpra që ka bërë Dr. Pilinci kundër vizitës së zyrtarit të lartë amerikan Richard Grenell, i cili është dhe një nga njerëzit më të afërt të presidentit Trump, Muli thirri Lelon për të marrë një qëndrim.
– Ky Pilinci ka sulmuar Grenellin, i tha Muli.
Duhet t’i tregojmë vendin.
– Më mirë të mos reagojmë, tha Lelo, se edhe Grenelli ka gabimet e veta.
Në vend që të vinte tek opozita dhe të merrte Çim Pekën me pushime, shkon e takon Fevziun.
Tani, po ta marrim ne në mbrojtje për ato që e akuzon Pilinci, do dukemi si dashnorë të dëshpëruar që na ka braktisur.
Duhet të tregojmë indiferencë dhe mospërfillje.
Madje, duhet të hapim fjalë tek demokratët se edhe Trumpi është mërzitur për këtë punë.
– Shumë mirë të shkoi mendja, tha Muli.
Po i them Gimit të Puros të dalë tek Çim Peka dhe ta bëjë mut, duke treguar se me lidhjet që ka në SHBA ka marrë vesh se Trumpi është mërzitur shumë që Grenelli e ka filluar vizitën nga Kep Merli me Bleona Qerretin, dhe nuk e ka filluar nga Gjiri i Lalzit duke protestuar para vilës së sekuestruar të Berishës nga Ramaduro.
– Po pra, ky do ishte një qëndrim më i zgjuar, tha Lelo.
Nuk ka pse të tregohemi inferiorë që nuk na e var Grenelli.
Aq më keq që Pilinci ka kërcënuar edhe Ramën me qeveri teknike dhe edhe Grenellin, duke u dukur sikur i bashkon.
Duhet të distancohemi.
– Po, tha Muli.
Aq më keq që ky Pilinci na ka marrë edhe tezën e qeverisë teknike, që e kemi ruajtur për në tetor.
Ky po na vjedh edhe axhendën e opozitës.
Ky do që kur ta rrëzojmë ne Ramën, të thotë: “E rrëzova unë, se e thashë i pari!”
Duhet të distancohemi fort, si nga kërcënimi për Grenellin, ashtu edhe nga teza e tij për qeveri teknike.