Qëndrimet e fundit të Belos kanë nxitur dyshime te Muli. Ajo që e bën edhe më shqetësues qëndrimin e Belos është fakti që ai po përpiqet ta paraqesë SPAK-un si aleat të Trumpit. Madje, për këtë u referohet edhe “burimeve” nga SHBA.
Kjo e shqetësoi shumë Mulin.
•“Ky është qëndrimi më i egër kundër Doktorit që ka mbajtur ndonjëherë një deputet i PD-së,” i tha Lelos. “Ky më duket ose nuk kupton, ose është i infiltruar.”
•“Ndoshta e ka nga dëshira t’i thotë Ramës: ‘Ja, e morëm SPAK-un.’ Meqë deri dje ne thoshim se e ka Rama dhe Sorosi, tani që Sorosi iku, i bie ta ketë Trumpi,” tha Lelo.
•“Atë e ka Rama dhe vetëm Ram Zoti,” tha Muli. “Si mund ta ketë Trumpi SPAK-un dhe ndërkohë të thërrasë Doktorin për hetime? Kjo na hedh në erë gjithë tezën tonë. I bie që Amerika qenka njësoj si me Sorosin dhe me Trumpin. Kjo i dëshpëron të gjithë demokratët.”
•“Këtu ke të drejtë,” tha Lelo, “por Belo mendon t’u japë shpresë atyre që mendojnë se tani SPAK-un e kemi ne.”
•“Po sikur SPAK të hapë ndonjë çështje tjetër ndaj Doktorit, çfarë do të themi? Që u gënjyem me këto mashtrimet e Belos?” tha Muli.
•“Po, ke të drejtë,” tha Lelo. “Nuk duhet të nxitohemi. SPAK duhet të japë prova. Pa prova nuk mund të marrë mbështetje. Dhe detyrat i ka të qarta: të mbyllë çështjen ‘Partizani’ dhe të hapë çështjen ‘McGonigal’.”
•“Pikërisht këtë nuk bën,” tha Muli. “Dhe në vend që ta sulmojë, i del në mbrojtje. As Edi Rama nuk e ka mbrojtur kaq fort këto kohë sa ky.”
