Sot Doktori në konferencë shtypi pranoi se ka marrë në telefon Belon dhe e ka pyetur “ku je”.
Ai i ka thënë: “Jam në prokurori”.
Pastaj Doktori nuk e vazhdoi më përmbajtjen e bisedës, por foli se si prokuroria çon dëm denoncimet e Belos dhe të PD-së, ndaj nuk duhet besuar.
Lelo u bë kurioz dhe pyeti Mulin: çfarë kanë folur në telefon Doktori me Belon, meqë Belo këto ditë është armik në dispozicion.
—Ishte e fortë, tha Muli. Erdhi Doktori te SHQUP dhe më tha: do bëjmë gati sallën për konferencë.
—Përse do flasim sot? —i thashë.
—Për SKAP-in e partisë, tha. Komandohen nga Edi Rama.
—Ky Belua vazhdon beson te prokuroria? —i thashë.
—Ashtu? Pse ku është?
—Prapë në prokurori ka shkuar, i thashë.
E mori në telefon:
—Belo, ku je?
—Në prokurori, Doktor.
—Po çfarë do aty?
—Ja, po sjell këtë denoncimin për Erion Braçen që e kapëm te Komuna e Parisit me zyrë ilegale.
—Po pse nuk e çon në SPAK?
—Po kam frikë nga Çim Peka se ai nxehët po i the që po e çoj në SPAK.
—Po mirë mo zotëri, të drejtë ka, se kot e çon dhe në SKAP dhe aty ku je.
—Po jo, shpresoj që këta të ma refuzojnë dhe të kem dhe unë argument të sulmoj drejtësinë pastaj. Se tani unë çfarë të them? Të gjitha që i kam sjellë i kanë hapur.
—E ke gabim, i tha. Të gjitha i kanë varrosur. Ti je iluzionist, nuk je politikan. Largo prej aty e mos të të shikoj më në prokurori. Eja shpejt te PD.
E la Belo dosjen te dezhurni dhe erdhi me vrap në PD.
—Hë, i thashë, nga ishe? (duke bërë sikur nuk e dija ku ishte)
—Ja, tha, isha te prokuroria të protestoja pse nuk hetojnë aferat që denoncojmë ne, tha.
—A protestove? —i thashë.
—Po, protestova, tha, por e lashë gjysmë se do niste konferenca e shtypit e Doktorit dhe nuk duhet të bëjmë karambol në Facebook./Antena/Tema
