Lajmi se sot kompania lobuese që Muli i ka paguar 6 milionë dollarë kishte bërë një letër 23 faqe që i kërkonte Rubios t’i hiqte Doktorit “non grata” e gëzoi shumë.
-Tani le të më dënojnë, tha Muli. Më në fund të paktën ata e bënë punën e tyre. E shkruajtën letrën dhe qeveria e mori. Kemi katër vjet që nuk na pranonin postën. Franca nuk na e pranoi. Anglia na e pranoi po na dënoi. SHBA nuk na e pranonte fare. Të paktën më në fund e çuam një letër.
-Puna është se 6 milionshi që ke firmosur ti është publik, tha Lelo. Po ato që nuk janë bërë publikë janë më shumë. Ndaj është mirë mos ta marrin vesh demokratët, se do thonë “të na i kishit dhënë ne këto lek, se ne nuk u mërzitëm që u shpall non grata. Kot i harxhon për ata. Se në fakt demokratët ja hoqën të parët ‘non gratën’, ata meritojnë më shumë se lobistët.”
-E di, tha Muli, por na futi ky Belua në këtë rrugë me lek, s’kemi çfarë bëjmë. Po të tërhiqeshim dukeshim më keq.
-Unë mendoj që koha po ndryshon. Ja dje, për shembull, Rubio shpalli “non grata” këtë kryetarin e Gjykatës së Lartë të Brazilit, që do të dënojë liderin e opozitës. Tani duhet t’i themi të dënojë dhe këta tanët që dënojnë Doktorin. Po duke qenë ai “non grata” nuk e bëjnë dot. Ndaj duhet hequr ajo. Po u hoq ajo, pastaj i shpallim të gjithë “non grata” këta, se dimë si bëhet.
-Unë e kreva misionin tim, tha Muli. Hyra në histori duke firmosur 6 milionë dollarë për heqjen e non grata.
Më 1991, kur Sekretari Bejker erdhi në Shqipëri, na solli 6 milionë dollarë ndihma. Tani vetëm unë i kam dhënë një kompanie amerikane 6 milionë dollarë. Me SHBA jemi njëk e njëk. As i kemi borxh, as na ka. Këtë “non grata” nuk ja kishim borxh. /Antena/Tema
