Trafikantët në Meksikë ka hedhur shikimin drejt një objektivi të ri: Vanilja.
Sipas shtypit meksikan tregtimi i paligjshëm i kësaj bime rezulton shumë fitimprurës, por po rrezikon kultivimin e saj.
Juan Carlos Guzman, inxhinier agronom në Universitetin e Pavarur të Chapingo (Meksikë), pohon se 80% e prodhuesve të vaniljes në vend kanë qenë viktimë e plaçkitjeve.
Grupe kriminelësh të lidhur me përpunues mund të arrijnë të shesin një kilogram të papërpunuar të këtij produkti për afro 500 pesos (rreth 26 dollarë), ndërkohë që i përpunuar arrin çmimin e 12 mijë pesos për kilogramë (rreth 635 dollarë).
Guzman nënvizon se pavarësisht se është vendi i origjinës së vaniljes, Meksika zë vendin e 31-të në prodhimin e saj në nivel botëror (400 tonë në vit) shumë poshtë Madagaskarit, Indonezisë, Indisë dhe Holandës.
Kjo jo vetëm për shkak të karteleve meksikane, por edhe për shkak të mungesës së garancisë së kultivuesve të saj, rritjes së çmimeve ndërkombëtare dhe prodhimit në shkallë të gjerë të varianteve artificiale.
Në këtë drejtim hulumtuesja e Institutit Teknologjik të Tuxtepec, Araceli Perez pohon se vetëm 1% e popullsisë botërore konsumon vanilje natyrale.
Madje edhe në vend, nuk arrihet të përmbushen kërkesat e larta vendase dhe të huaja.
Tregohet kryesisht vanilje sintetike, e përpunuar me jashtëqitjet e lopës, dhe përdoret kryesisht për të bërë akullore.
