Duke parë numrin gjithnjë në rritje të aplikimeve për Lotarinë Amerikane, me gjasë jeni lodhur nga jeta në Shqipëri, sepse këtu edhe shpresa vdes.
Nëse po mendoni që të shpërnguleni për një alternativë të re, atëherë kjo është mundësia.
Javën që shkoi Guvernatori i Vermontit, Phil Scott, nënshkroi një projektligj i cili paguan 10. 000 dollarë për të gjithë personat që vendosin të shpërngulen në Vermont dhe të punojnë nga shtëpia për një punëdhënës jashtë shtetit.
Programi i Grantit të punëtorëve në lëvizje do hyjë në zbatim që nga 1 janari i vitit 2019 dhe ky program mbulon shpenzimet e transferimit, jetesë dhe punë.
Sipas Scan, Vermont ka buxhetuar fonde për të mbështetur 100 grante për 3 vitet e para dhe 20 punëtorë shtesë çdo vit që nga ajo kohë.
Përfituesit e grantit do të marrin 10.000 dollarë për dy vite.
Kjo politikë synon të adresojë popullsinë e plakjes së Vermontit. Ndërkohë që shteti mund të jetë i pasur me peizazhe të bukura, ka një popullsi dhe një bazë tatimore që po zvogëlohet shpejt.
Art Woolf për Burlington Free Press shkruan:
“Vermont vazhdon të moshohet dhe të plaket më shpejt se kombi në tërësi. Gjatë tremujorit të fundit të një shekulli, mosha mesatare në nivel kombëtar është rritur me gati pesë vjet në 37.8 ndërsa ajo e Vermont është rritur me 10 vjet”.
Ky trend e ka bërë Vermontin një nga shtetet më të vjetra në vend.
