Një deklaratë të fortë ka lëshuar ditën e djeshme zëvendës presidenti i Këshillit të Sigurimit të Rusisë Dmitry Medvedev, i cili tha se Rusia do të kërkojë paqe me Ukrainën ekskluzivisht sipas kushteve të saj.
“Rusia po kryen një operacion të posaçëm ushtarak në Ukrainë dhe po përpiqet të vendosë paqen sipas kushteve të saj, pikërisht sipas kushteve tona – kjo duhet thënë hapur, dhe jo me kushtet që ish-partnerët tanë ndërkombëtarë, të cilët janë të etur të shohin humbjen ushtarake të Rusisë.
Po përpiqen të na imponohen, tha Medvedev. Ai shton se operacioni special ushtarak është një përgjigje “e vështirë, por e menduar me kujdes” ndaj politikës së rusofobisë kolektive perëndimore. Më tej Medvedev tha Rusia do të përdorë të gjitha mjetet që ka në dispozicion për të siguruar interesat e saj.
“Ne kemi interesat tona kombëtare dhe do t’i sigurojmë ato me të gjitha mjetet në dispozicion”, theksoi ai. Zyrtari rus vlerësoi se ambicia e NATO-s për të forcuar pozicionet e saj pranë kufijve të Rusisë i ngjan zhvillimit të kancerit dhe tashmë është kthyer në një problem global. “Sa i përket NATO-s, dëshira e saj e vazhdueshme për t’u zgjeruar pranë kufijve të Rusisë, e cila po përhapet si kancer, është kthyer në një problem global.
Të gjithë njerëzit e shëndetshëm tashmë janë sëmurë dhe janë lodhur nga kjo”, tha Medvedev. Ndërkohë presidenti ukrainas, Volodimir Zelenski deklaroi se nëse Moska mban referendume për bashkimin me Rusinë në zonat e pushtuara të vendit të tij, nuk mund të ketë bisedime me Ukrainën apo aleatët e saj ndërkombëtarë. Ndërkohë ndërkombëtarët kanë paralajmëruar se lufta në Ukrainë do të jetë e gjatë.
