Ndërkombëtarët nuk do e lënë të qetë Ilir Metën dhe as që kanë ndërmend të pranojnë “bllokimin” e institucionit kyq për goditjen e krimit, ku edhe po investohen prej kohësh. I ndodhur në Tiranë gjatë një takim me mediat në “Shtëpinë e Europës”, Fleckenstin ka folur lidhur me mosdekretimin e Sandër Lleshit, duke nënkuptuar se dhe ai nuk është i qartë për arsyet “Jo”-së nga Ilir Meta.
“Të gjithë kemi një interes të përbashkët. Duam që Ministria e Brendshme të jetë tërësisht funksionale. Presidenti Ilir Meta nuk ishte i bindur plotësisht. Nuk e di çfarë arsyesh ka Meta por shpresoj në një zgjidhje sa më të shpejtë. Informacionet që kam unë janë të gjitha pozitive. Nga ana tjetër nuk e dimë nëse kemi të gjitha informacionet, sepse presidenti mund të ketë informacione më të thella. Nuk jam unë personi që mund të kritikoj presidentin. Nga organizatat ndërkombëtare di që z.Lleshi pritet mirë, por kjo nuk përjashton informacione të tjera që mund të ketë presidenti”, tha njeriu i Brukselit në Tiranë.
Pas këtyre apeleve mediatike dhe deklaratave të Ilir Metës, i cili la të kuptohet se nuk ka ndryshuar qëndrim, edhe pse kryeministri i ka nisur për të dytën herë dekretin, duke i dhënë një shans të dytë me afat 7 ditor në zyrën e tij do të zbarkojë vetë raportuesi i Parlamentit Europian, Knut Fleckenstein. Mësohet se takimi do të mbahet në Presidencë në orën 14:30.
Vetë ai do të kërkojë të bindet nga Ilir Meta për arsyet e refuzimit të njeriut që edhe në organizmat ndërkombëtar rezulton “figurë e pastër”.
Mbetet të shihet reagimi i Ilir Metës pas kësaj “tërheqje veshi”, të cilën ndërkombëtarët po e shohin me seriozitet të plotë.
Një gjë është e sigurtë e dekreton apo nuk e dekreton Ilir Meta, Sandër Lleshin agjencitë e huaja ligjzbatuese janë të angazhuara plotësisht për shpartallimin e krimi të organizuar dhe korrupsionit në Shqipëri./Pamfleti
