Një makinë e transportit të vlerave monetare ka rënë pre e grabitjes në rrugën e Rinasit.
Mësohet se autorët e grabitjes kanë qenë me një makinë pa targa dhe me mbishkrimin “Hetimi tatimor”.
Gjatë grabitjes raportohet se ka pasur shkëmbim zjarri dhe dyshohet për një të vdekur. Personi që ka humbur jetën dyshohet se është një prej grabitësve të makinës së parave.
Në njoftomin e policisë thuhet se: Nga Aeroporti i Rinasit, ku u krye grabitja, një prej autorëve ka mbetur i vdekur në një distancë jo më larg se dy kilometra larg pistës së aeroportit të Rinasit. Grabitja ndodhi brenda pistës ku një transfertë erdhi ng ajashtë vendit. Autoblinda me para e firmës Nazeri 2000 ra pre e grabitësve të armatosur.
Nuk dihet nëse kanë qenë punonjësit e policisë private, apo ata të rendit që kanë ndjekur autorët por një prej grabitësve është gjetur i vdekur në rrugën e Hurmave siç njihet, 2 kilometra larg aeroportit. Mendohet të kenë qenë 4 autorë të armatosur dhe të maskuar. Ndërsa të tjerët kanë mundur të largohen së bashku me shumën e parave të grabitura, që mendohet të jenë 2 milionë euro.
Forca të shumta policie kanë shkuar në vendin e ngjarjes dhe po punojnë për zbardhjen e rrethanave. Po kështu është bllokuar rruga dhe patrulla të shumta janë vendosur në pika kyçe. Dyshohet se autorët kanë qenë me një mjet tip furgon dhe janë larguar drejt Rinasit. /Ekskluzive.al
