Në dritaren ku hodhën Kastriot Myftarajn janë gjetur gjurmë të panjohura gishtash, burri i Felajt po e mbyll dosjen si vetëvrasje
Prokurori Bledar Valikaj, bashkëshorti i ish ministres socialiste Ermonela Felaj, ka kërkuar që ta mbyllë si vetëvrasje dosjen e vdekjes misterioze të gazetarit Kastriot Myftaraj.
Gazetari i ndjerë Kastriot Myftaraj ndërroi jetë më 7 korrik të vitit 2022, në rrethana misterioze, por me version zyrtar vetëvrasje: Duke u hedhur nga kati i katërt i banesës ku banonte në Tiranë.
Ka dyshime të forta se gazetari më polemizues në Shqipëri, i njohur për teoritë konspirative dhe zbulimin e të shkuarës së personazheve publikë, është eliminuar.
Së pari, në dritaren ku është hedhur Mytaraj janë konstatuar shenja gishtash, sot ende të paidentifikuar se kujt i përkasin. Kjo është prova më e rëndësishme që të çon në përfundimin se Myftaraj mund të jetë shtyrë nga dikush.
Së dyti, të gjithë miqtë e tij kanë konfirmuar se Myftaraj nuk ka patur asnjë shenjë depresive, madje ishte më aktiv se kurrë, përfshirë edhe në rrjetet sociale.
Së treti, sëmundja e tij nuk ishte e rëndë dhe sipas mjekëve ishte plotësisht e shërueshme.
Së katërti, nëna e Myftarajt ka shprehur bindjen se djalin ia kanë vrarë.
Ka dyshime të forta se Kastrit Mytaraj mund të jetë eliminuar nga segmente të shërbimeve sekrete ruse, armiqësore për Shqipërinë.
Gazetari Kastriot Myftaraj drejtonte një emision “Ju flet Moska”, çka mund të jetë konsideruar si një tallje nga regjimi i Putinit.
Që pas luftës në Ukrainë, në të gjithë botën ka pasur një valë vdekjesh misterioze të njerëzve, të cilët kanë patur një raport të caktuar me regjimin e Putinit.
