Punimet për bazën ajrore të NATO-s në Kuçovë pritet të nisin në muajt në vijim. Detajet e projektit u diskutuan në një takim kokë më kokë që Gjenerali i NATO-s Tod Wolters, pati në Tiranë me ministren e Mbrojtjes, Olta Xhaçka.
“Vendi ynë sot është jo vetem një anëtar i denjë por edhe një vend i sigurt ku aleanca ka vendosur të invenstojë kapacitet e saj. Baza ajrore e Kuçovës do jetë së shpejti baza e NATO-s, një projket i rëndësishem jo vetëm për sigurinë tonë kombëtare por edhe rajoanle. Masterplani i hap rrugë punimeve që mund të jenë në krye të këtij viti”.
Ndërsa vlerësoi rolin e Shqipërisë në rajon, gjenerali Wolters tha dhe arsyet se përse u zgjodh pikërisht Shqipëria për investimin prej 50 milionë Euro të NATO-s në bazën ajrore të Kuçovës.
“Kuçova ka disa karakteristika të veçanta, në një vendndodhje të mrekullueshme gjeografike që të lejon të bësh atë që kemi menduar dhe ka mot të mrekullueshëm. Do vazhdojmë me përmirësimin e vazhdueshëm të infrastrukturës për të parë më pas avionë që do ngrihen nga Kuçova”.
Gjeneral Wolter u prit edhe nga shefi i Shtabit të Përgjithshëm të Forcave të Armatosura, Gjeneral Brigade Bardhyl Kollçaku. Për herë të parë në vendin tonë, avionë të NATO-s dhuruan spektakël në kryeqytet.
Në fluturimin demonstrativ u përfshinë 4 avionë luftarakë, dy F-16 dhe dy Eurofighter.
https://youtu.be/NTcesIA0V_E
