Për Krishtlindjen dhe Vitin e Ri, Cristiano Ronaldo së bashku me Georginan, vizituan fëmijët që ishin të shtruar në spitalin onkologjik në Torino.
Nëna e një djali të sëmurë nga leukemia akute, i ka shkruar një letër Cristianos, ku i lutet që t’i bëjë një vizitë në spital edhe djalit të saj dhjetëvjeçar.
Nëna e Gabrielit 10-vjeçar, ndodhet në qytetin e Bergamos dhe ka 6 muaj që është në spital me djalin e saj.
Apeli i nënës së Gabrielit:
Mirëdita! Jam nëna e Gabriel, një djalë dhjetë vjeçar shumë i bukur. Që nga muaji qershor është shtruar në spitalin “Papa Gionavani” duke luftuar me jetën. Armiku i tij është leukemia akute.
Në këto ditë ai është në fund të kimeoterapisë së tij. Shpresojmë që gjithçka të shkojë mirë për të dhe që pas disa ditësh të mund të kthehemi në shtëpi, ku pavarësisht të gjithave duhet të bëjë kontrolle të vazhdueshme për shumë vite.
Gabriel ka një dëshirë shumë të madhe. Si një tifoz i Juventusit i pëlqen të ketë një vizitë nga Cristiano Ronaldo, ose nga ndonjë futbollist bardhë e zi, meqë në 26 dhjetor këtu në Bergamo ekipi juaj do të luajë kundër Atalantës. E di që nuk është e lehtë, por për të do të ishin Krishtlindjet më të bukura.”
