Nga Arben Duka
Juve jeni qelibarë, pse ju duhet amnistia?!
(Nëse bëhet amnisti për pasuritë e kusarëve, t’i vëmë flakën cep më cep Shqipërisë!)
Ne gjithnjë e kemi ditur,
se Parti e LSI-së,
është një kryegardiane,
e gjithë hajdutërisë!
Kur Vetingu po bën namin,
si më i vështiri provim,
kusarët e LSI-së,
paskan një propozim!
Gjykatës e prokurorë,
të mbytur në pasuri,
don t’i shpëtojë LSI-ja,
me një super amnisti!.
Po ç’t’i themi LSI-së,
po ç’t’i themi asaj zgjyre,
më shumë se për gjykatësit,
ata kanë hallin e tyre!
Gjithë pasuritë prrallore,
s’do jenë më problem tani.
s’kanë pse justifikohen,
po u bë një amnisti!
Ky është kulm i ndyrësisë,
që do t’ja dëgjojmë këngën,
sipas stilit LSI-së,
vodhe-ç’vodhe ç’i qi tëmën!
Vodhe ç’vodhe ç’i qi tëmën,
u bëtë miliarderë,
i vëmë kapak kësaj pune,
veç mos vidhni tjetër herë!
O legena të paparë,
që ju mbajti Shqipëria,
juve jini qelibarë,
pse ju duhet amnistia?!
Shqipërisë ja pitë gjakun,
mbi të bëtë badërdi,
tani që shikoni lakun,
do të bëni amnisti?!
A e kuptoni-o njerëz,
kush e kërkon amnistinë,
gjithë mostrat e politikës,
që janë për gijotinë!
Duan që t’i vënë vulën,
këta kohës së hajdutit,
edhe një kapak të madh,
t’i vënë pusetës së mutit!
Vetingu në shenjë qëlloi.
po pastrohet drejtësia,
po kërkon që ta bllokojë,
me amnisti LSI-ja!
Ky është kulm i poshtërsisë,
në vargun e poshtërsive,
hajdutët dhe kriminelët,
janë mjeshtra të amnistive!
Krimet e Nëdhjetë e Shtatës,
ku u dogj një Shqipëri,
i mbylli Sali Berisha,
vetëm me një amnisti!.
Miliardat që janë vjedhur,
do t’i kishte vegjëlia,
kusarët kanë për t’ja hedhur,
nëse bëhet amnistia!
Po u bë dhe kjo mynxyrë,
ju që s’kini gjë në xhep,
ngrihi-të djegim çdo zyrë,
Shqipërinë cep më cep!.
Vijon dhe në një ditë tjetër
