Profesori i pensionuar Alfred Mokoen nga Afrika e Jugut, një vit më parë kishte pranuar publikisht se si mësimdhënës në një shkollë, e kishte shfrytëzuar një nxënëse të tij duke e lënë shtatzënë, por më vonë është zbuluar një detaj nga kjo ngjarje bizare që ka shokuar botën.
Pasi nxënësja e tij kishte mbetur shtatzënë, dyshja kishin kryer testet e ADN-së ku edhe kuptuan se ata kanë lidhje gjaku (familjare), përkatësisht nxënësja e Alfredit doli të jetë bija e tij me të cilën solli në jetë nipin.
“E kam shfrytëzuar bijën tim e cila ka qenë nxënësja ime, e cila më ka respektuar si mësimdhënësin e saj. Ka qenë e re dhe ka besuar gjithçka çfarë i thosha. Më vjen keq që nuk jam përkujdesur për të gjatë këtyre viteve, edhe pse nuk e kam ditur që e kam një fëmijë që jeton jo shumë larg meje”, ka deklaruar ai.
Vajza e tij sot është 20-vjeçare, dhe deri më sot ka jetuar në fshat me nënën dhe njerkun. Ndërkaq, mësimdhënësi i saj ka pranuar se fillimisht e kishte injoruar faktin se vajza e tij kishte mbetur shtatzënë me të gjatë vitit 2011, në mënyrë që të ruan reputacionin. Mokoen kishte kërcënuar gazetarin me jetë që e kishte shkruar këtë rrëfim, por më vonë i kishte kërkuar falje.
“Nuk e kam ditur që është babai im. E kam njohur vetëm si mësimdhënësin tim derisa mbeta shtatzënë”, ka deklaruar bija e tij, duke shtuar se brengoset për shëndetin e foshnjës për shkak të efekteve që mund t’i ketë për shkak të lidhjes së gjakut me babanë.
Kjo ngjarje bizare kishte ndodhur në vitin 2012, ndërsa vogëlushi i pafat sot i ka pesë vjet dhe deri më sot duket të jetë një fëmijë i shëndoshë i cili flet rrjedhshëm, ecë dhe luan me fëmijë, kurse prindërit e tij janë të bindur se përkundër incestit ai është një fëmijë i shëndoshë. Ai vazhdon të mos e dijë se kush është babai i tij, kurse problemi i vetëm mbetet se si duhet t’i tregojnë fëmijës kush është babai i tij.
