Mohamed Salah ka fituar Këpucën e Artë me 32 golat e shënuar në Premier League gjatë sezonit të parë që pas rikthimit. Ishte një vit fantastik për egjiptianin, i cili udhëhoqi Liverpool drejt një vendi mes katër më të mirëve.
Gjatë ngritjes së trofeut ama, e gjithë vëmendja shkoi te vajza e tij simpatike. Teksa ajo po vraponte duke luajtur me topat në hyrje të fushës, të gjithë tifozët ishin duke e duartrokitur me të madhe. Aq shumë kishte tërhequr vëmendjen e tyre, saqë kur Salah u afrua për të prezantuar trofeun stadiumi e priti me një vërshëllimë.
E gjitha ishte pjesë e shakasë, pasi më pas rifilluan duartrokitjet dhe brohoritjet për sulmuesin./gazeta-Shqip.com
