Presidenti i Shteteve të Bashkuara, Donald Trump, ka vënë në pikëpyetje strategjinë e deritanishme të luftës në Ukrainë, duke e quajtur të pamjaftueshme dhe të destinuar për dështim nëse mbështetet vetëm mbi mbrojtjen.
Në një deklaratë publikuar më 21 gusht, Trump tha se është “shumë e vështirë, në mos e pamundur, të fitosh një luftë pa sulmuar vendin pushtues”. Ai e krahasoi situatën me një ekip sportiv që ka një mbrojtje të shkëlqyer, por nuk lejohet të luajë në sulm.
Presidenti kritikoi paraardhësin e tij, Joe Biden, duke e akuzuar se nuk i lejoi Ukrainës mundësinë për të goditur mbrapsht Rusinë. “Biden e kufizoi vetëm te mbrojtja. Si doli kjo?”, u shpreh Trump, duke shtuar se me të në krye të Shtëpisë së Bardhë, kjo luftë nuk do të kishte nisur kurrë.
Trump theksoi se administrata e tij do të ndjekë një qasje ndryshe, duke paralajmëruar se “kohë interesante po vijnë”.
Këto komente vijnë në një moment vendimtar për politikën e jashtme amerikane, ku diskutimi mbi mbështetjen për Ukrainën dhe kufizimet e saj mbetet një nga çështjet kryesore në marrëdhëniet ndërkombëtare.
Një mesazh i çuditshëm i Trump hedh hije dyshimi se Ukraina
Ndërsa, minuta më vonë, presidenti amerikan publikoi një analogji tjetër të çuditshme në Truth Social, duke bërë bashkë dy fotografi.
Lart, ai teksa i drejton gishtin Vladimir Putinit më 15 gusht në Alaska. Poshtë, Richard Nixon, teksa i drejton gishtin ish-liderit sovjetik, Nikita Krushchev.
Për çfarë ta ketë vallë Trump?
