Gazetari Aleksandër Çipa komentoi mbrwmjen e djeshme nw emisionin ‘Shqip’ zhvillimet më të fundit në Partinë Demokratike.
Çipa tha se ekziston një status quo e pathyeshme me ketë treshe që nuk pranon të ikë. Ai tha gjithashtu se SHBA nuk merret kaq shumë me këto çështje që ne i quajmë madhore. Çipa tha se duhet edhe të vdesin disa parti politike që të kemi ndryshime që na duhen.
“Eksiton kjo treshe Rama, Meta Berisha që dominon gjithë jetën politike. Është krijuar një status quo dhe nuk po bëhet asnjë për ta ndryshuar.
Ekziston mundësia që Meta të studiojë lëvizje të reja politike në emër të pragmatizmit duke braktisur edhe atë që në e kemi quajtur përkatësi politike. Partitë politike tek ne nuk kanë më as profile dhe as identitete politike.
PS s’ka pse përdor Metën kur vetë partia që po pretendon të ngrejë Berisha është në gradën e fundit. SHBA nuk shpenzon kaq energji me këto gjëra sa mendojmë ne. Çdo gjë e ka një cikël kur mbaron por ne nuk jemi mësuar me ditëvdekjet e partive, vetëm me ditëlindjet. ”, tha Çipa.
