Pak ditë pasi Shpëtim Idrizi zgjodhi të kalojë në opozitë me Lulzim Bashën janë shtuar edhe kritikat ndaj këtij pakti. Në mbledhjen e Këshillit Kombëtar të PDIU-së të datës 11 shtator, kreu i kësaj force politike Shpëtim Idrizi mori vendimin për të braktisur koalicionin me Partinë Socialiste dhe kalim në opozitë. Vendimi i tij për t’ju bashkuar frontit opozitar ka sjellë edhe xhelozinë e pakënaqësitë e para mes aleatëve të Bashës. Dhe, jo vetëm. Kjo sipas gazetarit Flamur Vezaj e bën edhe më të pabesueshme opozitën.
Reagimi i plotë:
Ore keni harruar shpejt, po është i njëjti Shpëtim që e drodhi disa herë! Po si mund t’i besohet këtij njeriu përseri! Ai ishte mashtrues, u bë doganier, më pas kaloi me socialistet, pastaj demokratët dhe në fund u bë çam!
Çam në koalicion me PD-në kur iku PD-ja kaloi në koalicion me PS-n përsëri! Por meqënse ngeli pa asgjë dhe nuk e mori timonieri në tepsin e tij, ai ktheu kokën nga PD-ja përseri, me pretendimin të vij në pushtet, por jo për të mirën e qytetareve apo çamëve, por të tijën personale!
Pastaj harruat, si mund te jete ky opozitar që lufton krimin ne pushtet, ku nën firmen e tij dhe siglen e partisë që uzurpoi, ai promovoj dhe kandidoi në listën e deputetëve kriminel! Po po kriminel si A.Rakipi i njohur si Qifja, vajzën e një krimineli tjetër nga Dibra dhe po kandidatin tjetër nga Elbasani me probleme me ligjin, e mos të flasim për tjerët që nuk fituan! Po të njëjtet njerëz që zotria i promovoj nën siglën e partise se uzurpuar, sapo erdhën në Kuvend, ia dhanë dorën duke braktisur siglën e partise dhe vet “kryetarin” për pak llokmë të tepsisë së Rilindasve!
E çfarë mund të premtoi ky njeri pas gjithë këtyre?! E si do fitohet besimi i qytetarëve, me njerëz të tillë? Po opozita si mendon të luftoj krimin në pushtet, me njerëz që sollën po kriminel në pushtet!
#Epo mirë, vazhdoni e mblidhni rreth vetes njerëz të tille se keni për t’ia dhënë “kryerilindasit” edhe një mandat tjeter siç po duket!
#Edhe kjo një arsye me shumë që qytetarët mos të besojnë me të kjo klasë politike se nuk ka alternative, por vetëm riciklim e ndërrim kostumesh!
