Kryeministri Rama është shprehur sërish i bindur se kërkesat e studentëve janë plotësisht të drejta, por qeveria me vendimet e saj ka shkuar përtej tyre.
Në konferencën e fundvitit me gazetarët, Rama tha se grupi i punës i drejtuar nga Zëvendës Kryeministri i ri, është duke shkruar draftin e paktit për universitetin, që adreson problemet e universiteteve shqiptare.
“Nuk i kam ofruar studentëve ende paktin se është duke u shkruar nga një grup i gjerë pune që drejtohet nga zëvendës kryeministri i ri.
Patjetër që për cfarë kam bërë dhe cfarë do të bëjmë nuk është si rezultat i presionit, por si rezultat i bindjes në ato kërkesa që janë në këndvështrimin tim të dretja.
Po nëse do kishin protestuar para 3 vjetësh nuk do ta bënim dot përgjysmimin e tarifave, se nuk do kishim mundësi financiare. Sot e bëjmë sepse kemi mundësi financiare”, tha Rama.
Studentët, tha kreu i qeverisë, nuk do të pagujanë gjysmën e tarifës në fillim të vitit.
“Do paguajmë edhe për ata me katra dhe pesa që do t’u japim mundësinë që në një start të barbartë të kalojnë mbi katrat dhe pesat, sepse ndryshe në vitin e ardhshëm nuk do kenë asnjë qindarkë.
Do t’u japim edhe 100 mijë lekë çdo muaj, që nuk ishte fare në kërkesat e tyre”, shtoi Kryeministri.
